„ამ არჩევნებზე დამარცხების შემდეგ, ძალიან მალევე უნდა შევცვალოთ აღმასრულებელი ხელისუფლება“, განაცხადა „ერთიანი ნაციონალური მოძრაობის“ პოლიტიკური საბჭოს თავმჯდომარემ ნიკა მელიამ დუშეთში ოპოზიციური პარტიების გაერთიანების, „ძალა ერთობაშია“-ს საპრეზიდენტო კანდიდატის, გრიგოლ ვაშაძისა და სხვა ლიდერების მოსახლეობასთან გამართული შეხვედრისას.


მელიამ აღნიშნა, რომ მარტივად შეიძლება ტურიზმის განვითარებით დუშეთის მუნიციპალიტეტის ფინანსურად გაძლიერება, რაც არ ხდება და „სწორედ ამიტომ, ეს ხელისუფლება ამ არჩევნებში უნდა დამარცხდეს და დაამარცხოს ხალხმა“.  


„ძალიან ელემენტარულად შეიძლება, მხოლოდ ტურიზმის, თუნდაც, შიდა ტურიზმის, განვითარებით დუშეთში ცხოვრობდეს, არა თუ საშუალო ფენის წარმომადგენლები, არამედ მდიდარი ადამიანები. თუ შესაძლებელია გაკეთდეს ის, რაც სიღნაღში, ყვარელსა და მესტიაში გაკეთდა, ბატონმა ივანიშვილმა დუშეთში აგური აგურზე რატომ ვერ დაადო?! სწორედ ამიტომ, ეს ხელისუფლება ამ არჩევნებში უნდა დამარცხდეს და დაამარცხოს ხალხმა. ამ არჩევნებზე დამარცხების შემდეგ, ძალიან მალევე უნდა შევცვალოთ აღმასრულებელი ხელისუფლება“, განაცხადა ნიკა მელიამ.