ახალი გუბერნატორების დანიშვნას ეხმაურება ფრაქცია „ერთიანი ნაციონალური მოძრაობის“ თავმჯდომარე რომან გოცირიძე. როგორც მან „რუსთავი 2“-ის ეთერში განაცხადა, რეგიონების გუბერნატორებად ძალოვან უწყებებთან კავშირში მყოფი „ოდეერები“ ინიშნებიან და ამაში თავად ბიძინა ივანიშვილის ინტერესები იკვეთება.

„მთელი ეს საკადრო შემადგენლობა არის საშვალოსნები და შეიძლება ვთქვათ, რომ რეგიონებს უკვე მართავენ „ოდეერები“. ძირითადად უნდა იყო ძალოვან სტრუქტურებთან დაკავშირებული და რეგიონის მართვა პირდაპირ დამოკიდებული უნდა იყოს ამა თუ იმ ადამიანთა დამოკიდებულებაზე ძალოვნებთან, სუს-თან, შინაგან საქმეთა სამინისტროსთან. ანუ, ქვეყანა იმართება არა დემოკრატიისა და თუნდაც იგივე ნორმალური პარტიული ცხოვრების წესით, არამედ იმართება კულუარულად და რაღაც პირადი ინტერესების დასაკმაყოფილებლად და ბუნებრივია, რომ ეს ინტერესები პირდაპირ მიდის ბიძინა ივანიშვილთან“, განაცხადა რომან გოცირიძემ.