ვაშინგტონმა შეერთებულ შტატებში ასეულობით მილიონი დოლარის რუსული აქტივები დაბლოკა, განაცხადა აშშ-ის ფინანსთა მინისტრის მოადგილემ, სიგალ მანდელკერმა.
შეერთებულმა შტატებმა ასევე კიბერსანქციების სიაში ორი რუსი და ერთი რუსული კომპანია შეიყვანა. შეზღუდვები დაუწესდათ 1985 წელს დაბადებულ ანტონ ნაგიბინს და 1973 წელს დაბადებულ მარინა ცარევას, როგორც უკვე სანქციების ქვეშ მყოფ კომპანია, „Дайвтехносервис“-სთან დაკავშირებულ პირებს.
გარდა ამისა, ვაშინგტონმა სანქციების სიაში შეიყვანა ორი კომპანია და 6 საზღვაო-სატრანსპორტო საშუალება. კერძოდ, კომპანიები - ვლადივოსტოკში ბაზირებული „Гудзон Шиппинг“-ი და სანკტ-პეტერბურგში მოქმედი „Вела-Марин“-ი, ასევე რუსული დროშის ქვეშ მცურავი საზღვაო-სატრანსპორტო საშუალებები - „Белла“, „Богатырь“-ი, „Нептун“-ი, „Партизан“-ი, „Патриот“-ი და „Севастополь“-ი, იტყობინება „რია ნოვოსტი“.
აშშ-ის ფინანსთა სამინისტროში განაცხადეს, რომ შეერთებული შტატები განაგრძობს რუსეთის წინააღმდეგ სანქციების დაწესებას, თუკი „მოსკოვი არ შეცვლის თავის ქცევას“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.