რეგიონული პოლიტიკის კომიტეტის თავმჯდომარის, ზაზა გაბუნიას განცხადებით, ფედერალური კანცლერის, ანგელა მერკელის საქართველოში ოფიციალურ ვიზიტს ძლიერი პოზიტიური რეზონანსი ექნება.
„ფედერალური კანცლერის, როგორც მაღალი ავტორიტეტის ევროპელი ლიდერის ვიზიტი აჯამებს ჩვენს ურთიერთობებს და ის პოლიტიკის, ეკონომიკის, თავდაცვის, პოლიციიის, რეგიონული, განათლების და მეცნიერების მიმართულებით ახალ, უფრო ინტენსიურ და ძლიერ საფეხურზე გადაჰყავს.
ეს ვიზიტი მნიშვნელოვანია, რადგან ჩვენი სახელმწიფოს სასიცოცხლო საკითხებზე ორმხრივი დისკუსიის შესაძლებლობას იძლევა. ამასთან ერთად, ქალბატონ მერკელთან ერთად საქართველოში არის სოლიდური ჯგუფი გერმანული ბიზნესკომპანიების წარმომადგენლებისა, რაც არის ხელსაყრელი შესაძლებლობა ვიმუშავოთ საქართველო გერმანიის ეკონომიკური კავშირების გაძლიერებისათვის და ზოგადად, ეს ვიზიტი არის შესაძლებლობების განვითარების გზა“, აცხადებს გაბუნია.
ზაზა გაბუნიას აზრით, ეს ვიზიტი საქართველოზე იქონიებს პოზიტიურ გავლენას ეროვნული ამოცანების სრულყოფის საქმეში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.