ანგელა მერკელმა ამ წუთებში მიმდინარე ბრიფინგზე განაცხადა, რომ გერმანია მხარს უჭერს საქართველოს ტერიტორიულ მთლიანობას.

ქართული მედიის მიერ დასმული შეკითხვის - რუსეთის პრეზიდენტ ვლადიმერ პუტინთან შეხვედრის დროს იყო თუ არა რაიმე ფორმით განხილული საქართველოს ოკუპაცია? - მერკელმა უპასუხა, რომ ის რაც ხდება არის უსამართლობა და საქართველოს და უკრაინის კონტექსტი ერთნაირია.

„მე ხვალ მექნება შესაძლებლობა, მივიდე ადმინისტრაციულ საზღვართან, სადემარკაციო ხაზთან. ეს არის უსამართლობა, რაც ხდება. რუსეთის პრეზიდენტმა ჩემი პოზიცია იცის, მათ შორის, უკრაინასთან დაკავშირებით. მე მას ვესაუბრე ამაზე. რაღაცნაირად ეს ერთი კონტექსტია, მიუხედავად დიდი დაძაბულობისა, მიუხედავად დიდი ძალისხმევისა, ძალიან ცოტა კეთდება იმისთვის, რომ ერთხელდ და სამუდამოდ, წარსულს ჩაბარდეს ეს დიდი უსამართლობა. ეს არ უნდა გახდეს ყოველდღიურობა - არ უნდა მოხდეს შეგუება სიტუაციასთან. ჩვენ, ყოველდღიურად, მაქსიმალურად უნდა ვისაუბროთ ამაზე", განაცხადა ანგელა მერკელმა.