არახალია, რომ პრეზიდენტ პუტინისთვის გერმანული ენა, რომელიც ძალიან კარგად იცის, "თითქმის მშობლიურია" და "ამერიკული ინგლისურისგან" განსხვავებით, უფრო "მისაღები"! ამიტომ, გარდა სხვა სამხედრო-პოლიტიკური თუ ეკონომიკური უთანხმოებისა აშშ-სთან და მის პრეზიდენტთან, გერმანიის ფედერაციულ რესპუბლიკასთან და მის კანცლერთან რუსეთის პრეზიდენტი "ნაკლებად ხისტი და ბევრად გამგებია", ეს ცნობილი ფაქტია!

აქედან გამომდინარე, საქართველოს ხელისუფლებამ უნდა ისარგებლოს გერმანიის კანცლერის ანგელა მერკელის თბილისში ვიზიტით და სთხოვოს მას (გერმანიას) მედიატორობა, საქართელოს და რუსეთს შორის! დიახ, გფრ-ის კანცლერს, აშშ-ის სანქციებით გამწარებული რუსეთის პრეზიდენტის "განეიტრალება, დარწმუნება" ძალუძს, რომ არ განმეორდეს 2008 წელი და რუსეთმა აშშ-ს "სამაგიერო საქართველოს ხარჯზე" არ გადაუხადოს, - ე.წ. "სამხრეთ ოსეთის" ანექსიით (ყირიმის პრეცენდენტი), - "ოსი ხალხის დაჟინებული თხოვნით"!..

იმ შემთხვევაში, თუ გერმანია კანცლერ მერკელის ხელმძღვანელობით იტვირთებს რუსეთთან, პრეზიდენტ პუტინთან შუამავლობის რთულ მისიას, მაშინ, ამ პროცესის დასაწყებად იქნებ უკეთესიცაა, რომ დღეს, - კანცლერი მერკელი, რუსულ ოკუპაციას უწოდებს - "უსამართლობას", ხოლო საოკუპაციო ხაზს - "ადმინისტრაციულ ხაზს"?!

P.S. "გერმანიის მედიატორობის ვარიანტი", არ უნდა გამოირიცხოს! სავსებით შესაძლებელია, რომ სწორედ გერმანიის კანცლერის შუამავლობით საბოლოო და დადებით შედეგს მივაღწიოთ, - საქართველო გავამთლიანოთ!!!...

ჯუმბერ კირვალიძე,

პოლიტოლოგი