არასამთავრობო ორგანიზაციები საქართველოს პრეზიდენტს მოუწოდებენ, თავი არ აარიდოს მის კონსტიტუციურ მოვალეობას და დაასახელოს უზენაესი სასამართლოს თავმჯდომარის კანდიდატურა.

„საერთაშორისო გამჭვირვალობა - საქართველოს“ იურისტმა, ოლიკო შერმადინმა განაცხადა, რომ უზენაესი თავმჯდომარეობის კანდიდატი უნდა დასახელდეს პრეზიდენტის მიერ, რადგან მან ამ პასუხიმგებლობას თავი აარიდა შანსი გააქრო, რომ კანდიდატი დამტკიცებულიყო. პრეზიდენტის გარდა პასუხისმგებლობა ეკისრება „ქართულ ოცნებასაც“, იმიტომ რომ ისინი არ იყვნენ კონსტრუქციულები შერჩევის ფორმატში,

„პასუხისმგებლობა ეკისრება „ქართულ ოცნებას“ იქიდან გამომდინარე, ისინი არ იყვნენ კონსტრუქციულები ამ ფორმატში და მათ განაცხადეს, რომ არ ჩაერთვებოდნენ  კონსულტაციებში. მაგრამ ეს პასუხისმგებლობა ეკისრება, რა თქმა უნდა, პრეზიდენტსაც იმიტომ, რომ მხოლოდ ის არის უფლებამოსილი ჯერჯერობით, რომ წარადგინოს კანდიდატი და როდესაც მან ეს კანდიდატი არ წარადგინა და უარი თქვა ამ უფლებამოსილების განხორციელებაზე, რეალურად  მან ყველანაირი შანსი გააქრო იმის, რომ კანდიდატი დამტკიცებულიყო“, განაცხადა  ოლიკო შერმადინმა.