საქართველოს პრეზიდენტმა, გიორგი მარგველაშვილმა სენატორ ჯონ მაკკეინის გარდაცვალებასთან დაკავშირებით, ამერიკის შეერთებული შტატების საელჩოში გახსნილ სამძიმრის წიგნში ჩანაწერი დატოვა.
მარგველაშვილმა ამერიკელი სენატორის და საქართველოს ეროვნული გმირის გარდაცვალების გამო ღრმა მწუხარება გამოთქვა და სამძიმარი გამოუცხადა ჯონ მაკკეინის ოჯახსა და მეგობრებს ამერიკის შეერთებულ შტატებსა და საქართველოში.
პრეზიდენტმა ხაზი გაუსვა სენატორ მაკკეინის მოღვაწეობის მნიშვნელობას და მის განსაკუთრებულ ღვაწლს და მხარდაჭერას ქართული სახელმწიფოს გაძლიერების საქმეში.
„სენატორი მაკკეინი ასახიერებდა ყოველივე იმას, რაც ჩვენ გვიყვარს ამერიკაში - პრინციპულობას, იდეალების სამსახურს და სიმტკიცეს. 2008 წელს მან მთელს მსოფლიოს აუწყა, რომ ის არის ქართველი და ის არის ქართველი ხალხის ეროვნული გმირი. შესაბამისად, ჩვენ ამერიკელებთან ერთად ვგლოვობთ მის გარდაცვალებას. ღმერთი ფარავდეს მის სულს, ღმერთი ფარავდეს მის ოჯახს და შეერთებულ შტატებს“, განაცხადა მარგველაშვილმა, როგორც ამას პრეზიდენტის ადმინისტრაცია იტყობინება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.