პუბლიცისტი და გაერთიანებული ოპოზიცია „ძალა ერთობაშია“-ს  პრეზიდენტობის კანდიდატის, გრიგოლ ვაშაძის მხარდამჭერი თაკო ჩარკვიანი ტელეკომპანია „იბერიას“ გადაცემა „თავისუფალ სივრცეში“ აცხადებს, რომ ხელისუფლება არაფერს აკეთებს, ხოლო საკანონმდებლო ორგანოს სამარცხვინოს უწოდებს. ჩარკვიანს ასევე სჯერა, რომ პრეზიდენტის ინსტიტუციას აქვს ისეთი უფლებები, რაც მომავალში კარგი საკანონმდებლო ორგანოს ჩამოყალიბებას შეუწყობს ხელს.

„პრეზიდენტს, რომ უფლებები არ აქვს ეს შემოგდებულია. აქვს ისეთი უფლებები ამ ინსტიტუციას, რაც ახლა ზუსტად გვჭირდება, რომ როგორმე მომავალში მივიღოთ კარგი საკანონმდებლო ორგანო, ეს სამარცხვინო საკანონმდებლო ორგანოა და ეს არის ხელისუფლება, რომელიც არაფერს არ აკეთებს. სამარცხვინო არის ყველა ხელისუფლება, როდესაც მის დროს მოიპარავენ 710 მილიონს და ამხელა თანხები ბიუჯეტიდან ქრება, ეს ნიშნავს იმას, რომ შენ ვერ მართე და შენ ხელი მოკიდე. არ ვიცი ეს პრემიერის ინსტიტუციიდან იყო თუ საიდან, ჩემი საქმე არ არის“, განაცხადა თაკო ჩარკვიანმა.