„ლეიბორისტული პარტიის" ლიდერი და პრეზიდენტობის კანდიდატი შალვა ნათელაშვილი, რომელიც სენატორ ჯონ მაკკეინის დაკრძალვის ცერემონიაზე დასასწრებად ამერიკის შეერთებულ შტატებში იმყოფება, „ქართული ოცნების" ხელისუფლებას აკრიტიკებს იმის გამო, რომ სენატორის დაკრძალვაზე საქართველოდან უმაღლესი რანგის დელეგაცია არ გაგზავნა.

„წავიდა ჩვენგან მე-20 საუკუნის მსოფლიო პოლიტიკის ყველაზე სახელოვანი უკანასკნელი მოჰიკანი - სენატორი ჯონ მაკკეინი, რომელიც საქართველოს ფარი და ხმალი იყო აგრესორებთან და ოკუპანტებთან წინააღმდეგ ბრძოლაში და ამ დროს, აქ არჩამოსვლა, რა თქმა უნდა, მე წარმოუდგენლად მიმაჩნია. როგორ სძინავს ღამე საქართველოს ე.წ. მთავრობას, რომელმაც პუტინის შიშით, პატივი არ სცა საქართველოში ყველაზე დიდ ლობისტს ამერიკიდან. არ ჩამოვიდნენ, გამოაგზავნეს მესამე-მეოთხეხარისხოვანი დელეგაცია. აი, როგორ სძინავთ და როგორ აპირებენ ქვეყნის უსაფრთხოების დაცვას სამომავლოდ და მეგობრების ძიებას, ძალიან მაინტერესებს", უთხრა ნათელაშვილმა „რუსთავი 2"-ს.