გაერთიანებული ოპოზციის, „ძალა ერთობაშია“-ს პრეზიდენტობის კანდიდატი გრიგოლ ვაშაძე და გაერთიანების სხვა წარმომადგენლები ბაღდათის მოსახლეობას შეხვდნენ. გრიგოლ ვაშაძე აცხადებს, რომ ქვეყანა ვეღარ ვითარდება ისე, როგორც 2003-2012 წლებში და იმისთვის, რომ ქვეყანა დავაბრუნოთ განვითარების გზაზე საჭიროა ე.წ. „ქართული ოცნების“ წარმომადგენლები, რომლებიც „ვირთხებივით“ სხედან გამგეობების შენობებში, იქიდან გამოვიყვანოთ.

„არაფერი ისეთი გულდასაწყვეტი არ არის, როგორც საქართველოს ნახვა, რომელიც გაჩერებულ, დაპაუზებულ, გაყინულ მდგომარეობაში იმყოფება უკვე 6 წელიწადია, მით უმეტეს, როდესაც 2003-დან 2012 წლამდე ქვეყანა გიგანტური ნაბიჯებით ვითარდებოდა. იმერეთი არის აბსოლუტურად უპატრონოდ მიტოვებული. ერთ მხარეს არის მოქალაქე - რომელსაც მოუხსნეს სოციალური დახმარება, რომლესაც არ აქვს არანაირი იმედი, არავითარი შემოსავალი, არ აქვს სამუშაო ადგილი, არ აქვს ნორმალური ჯანდაცვა, არ აქვს შვილების და შვილიშვილების ნორმალური განათლება - მეორე მხრივ, საფორთიპიკაციო ნაგებობებად ქცეული გამგეობები და სხვა ადმინისტრაციული შენობები, სადაც ვირთხებივით არიან, გაურკვეველი წარმოშობის და გაურკვეველი იდეოლოგიური მრწამსის ადამიანები, რომლებიც თვის თავს ეძახიან ე.წ. „ქართულ ოცნებას“, რომლებსაც არ გამოუხედია იმ შენობების კარებიდან და ფანჯრებიდან უკვე 6 წელიწადი არის და მოვიდა დრო გამოვიყვანოთ კაბინეტებიდან და ქვეყანა დავაბრუნოთ განვითარების გზაზე, სანამ სულ არ გავწყვეტილვართ“, განაცხადა გრიგოლ ვაშაძემ.