კოალიცია „ქართული ოცნების“ საერთაშორისო-პოლიტიკური ჯგუფის ყოფილი წევრი გიორგი გეგეჭკორი ამერიკელ პოლიტიკურ კონსულტანტ სემ პატენთან დაკავშირებით კომენტარს აკეთებს.

„როგორც მოგეხსენებათ, 2011 წლის 7 ოქტომბერს გააკეთა ბატონმა ბიძინამ პოლიტიკაში მოსვლის შესახებ განცხადება და იმ მომენტიდან კოალიციურ რეჟიმში გადავიდა პოლიტიკური გაერთიანებების მუშაობა, რომელთა შორის იყო ირაკლი ალასანია და „თავისუფალი დემოკრატები“. სწორედ მათი საშუალებით შემოვიდა სემ პატენი და მისი ფირმა იმ პერიოდში ჩვენს საერთაშორისო საქმიანობაშო. დაიდო საჯარო და ტრანსფარენტული ხელშეკრულება, ეს არ გახლდათ დამალული, თუმცა, სამწუხაროდ, გამომდინარე იქედან, რომ სასურველი შედეგი ვერ დაიდო, რაც კოალიციას და კოალიციის ლიდერს სურდათ, ძალიან მოკლე პერიოდში, დაახლოებით ორთვენახევარში, არაუმეტეს სამი თვისა, კონტრაქტი გაწყდა სემ პატენსა და მის კომპანიასთან.

ის არანაირ მნიშვნელოვან მონაწილეობას არ იღებდა ჯერ კიდევ ახლადშექმნილი კოალიციის საქმიანობაში, განსაკუთრებით, საერთაშორისო ასპარეზზე, არ იყო ძლიერი მოთამაშე და არც მისი ფირმით ვიყავით კმაყოფილი. შემდეგ უკვე 2012 წლის თებერვალში ძალიან მსხვილ და იმ პერიოდისთვის ერთ-ერთ ყველაზე ძლიერ კომპანიასთან Patton Boggs-სთან დაიდო ხელშეკრულება, რომელიც ერთ-ერთი წამყვანი ლობისტური ჯგუფი იყო ვაშინგტონში და მათთან გავაგრძელეთ მუშაობა. სემ პატენი არანაირ მნიშვნელობას არ წარმოადგენდა კოალიციისთვის ის იყო დასაწყისში და ისიც ირაკლი ალასანიას მიერ რეკომენდირებული პერსონაჟი იყო, რომელსაც არანაირი წვლილი არ მიუძღვის და ნამდვილად არ იყო ფიგურანტი და მსხვილი მოთამაშე“, აცხადებს გეგეჭკორი.