„ერთიანი ნაციონალური მოძრაობის" მიერ გავრცელებულ ინფორმაციას, რომლის მიხედვითაც გარკვეულმა პირებმა „ევროპული საქართველოს" შემადგენლობა დატოვეს და „ძალა ერთობაშია“-ს შეუერთდნენ, გიგი უგულავა პასუხობს.

როგორც უგულავამ საპასუხო ბრიფინგზე განაცხადა, „ნაციონალური მოძრაობა" „ქართული ოცნების" ნაცვლად„ „ევროპულ საქართველოს" ებრძვის.

„პარტია, რომელთანაც ჩვენ „ევროპის ხალხთა“ პარტიის ეგიდით გავაფორმეთ ხელშეკრულება სადაც პირობა დავდეთ, რომ ვფოკუსირდებით, აი, იმ პირდაპირი მნიშვნელობით, ჯილეხის, რასაც სალომე ზურაბიშვილი ჰქვია, რომელსაც ხვალ თუ ზეგ „ქართული ოცნება" დაუჭრს მხარს. ეს არის პოლიტიკური ჯილეხი საქართველოსთვის, ეს არის საქართველოს სუვერენიტეტის და ეროვნული ინტერესების ფეხქვეშ გათელვა. როდესაც „ქართული ოცნება“ და ივანიშვილი ამისთვის ემზადება, რატომ რჩება დრო „ნაციონალურ მოძრაობას“, აი, ამ სიმულაციური პროცესის წარმართვის". განაცხადა გიგი უგულავამ, რომელმაც განმარტა, რომ გაერთიანებული ოპოზიციის მიერ გამართულ ბრიფინგზე დღეს მისულმა ადამიანებმა „ევროპული საქართველო" რამდენიმე თვის წინ დატოვეს.

ოპოზიციურ გაერთიანება „ძალა ერთობაშია“-ს ბრიფინგზე დღეს განაცხადეს, რომ „ევროპული საქართველო“ კიდევ 140 წევრმა დატოვა და „ძალა ერთობაშია“-ს კანდიდატს, გრიგოლ ვაშაძეს, ღია მხარდაჭერა გამოუცხადა.