ამერიკული კინოთეატრების ეკრანებზე უკვე მესამე დღეა მიმდინარეობს ჩვენება რეჟისორ ჯეკ ბრაიანის სკანდალური ფილმისა - „აქტიური ღონისძიებები“, სადაც აღწერილია კრემლის რეჟიმის სავარაუდო კავშირები ამერიკის დღევანდელ პრეზიდენტთან და მის გარემოცვასთან.
ჯეკ ბრაიანის ფილმის ჩვენება დღეს ნიუ იორკის „აიეფსის“ კინოთეატრში გაიმართა, სადაც გადამღები ჯგუფი მაყურებელს შეახვედრეს. განხილვაზე მიწვეული იყო საქართველოს ყოფილი პრეზიდენტი მიხეილ სააკაშვილი, რომელმაც სამაუწყებლო კომპანია „რუსთავი 2“-ს განუცხადა, რომ 2012 წელს საქართველოში რუსეთის სპეცსამსახურებმა თავისი მთავარი რეზიდენტის, ბიძინა ივანიშვილის მეშვეობით „ხელისუფლების დაპყრობის სპეცოპერაცია განახორციელა“.
„სიმართლე ირკვევა ყველაფერში. საქართველოში შემოგვასაღეს, რომ 2012-ში იყო არჩევნები და ეხლა მთელმა მსოფლიომ გაახილა თვალები და აღმოაჩინა, რომ 2012 წელს არ იყო არჩევნები, ეს იყო სპეცოპერაცია ხელისუფლების დაპყრობის, რომელიც განახორციელა რუსეთის სპეცსამსახურებმა თავისი ძირითადი რეზიდენტის, ივანიშვილის მეშვეობით და მათ შორის ამაში იყვნენ ჩარეულები, არა მხოლოდ რუსები, არამედ ამერიკის მოქალაქეები, რომლებიც აღმოჩნდნენ რუსების აგენტები, ერთ-ერთი მათგანი დააპატიმრეს სწორედ ამ დღეებში. ჩართული იყო ძალიან დიდი რაოდენობის, სამწუხაროდ, ქართველებიც, მაგრამ რეგიონის მოღვაწეები - უკარინა, სხვა. ეს იყო დიდი სპეცოპერაცია საქართველოში - თავისი ბავშვის მკვლელობით, თავისი ციხის კადრებით, უამრავი ჭორების და საზიზღრობის გავრცელებით და ნუ, ახლა სიმართლე ირკვევა“, განაცხადა სააკაშვილმა.
„რუსთავი 2“-ის ცნობით, ფილმში დეტალურად არის აღწერილი ვლადიმერ პუტინის მრავალწლიანი მმართველობის დროს გატარებული ღონისძიებები მსოფლიო წესრიგის ჩამოსაშლელად.
ჯეკ ბრაიანის დოკუმენტური ფილმი მთლიანად ინტერვიუებზეა აგებული. ფილმი განმარტავს, თუ როგორ ჩაერია რუსეთის ფედერაცია 2016 წლის ამერიკულ არჩევნებში, როგორ იყენებს ის კიბერთავდასხმებს, დეზინფორმაციას და გავლენის აგენტებს დასავლეთის წინააღმდეგ კრემლის პოლიტიკურ ომში.
ფილმში დეტალურად არის აღწერილი კრემლის მიერ ჰილარი კლინტონის წინააღმდეგ და დონალდ ტრამპის სასარგებლოდ მუშაობა. უკრაინის მოვლენები, მათ შორის იუშჩენკოს მოწამვლა, იულია ტიმოშენკოს დაპატიმრება, ყირიმის ანექსია, აგვისტოს ომი საქართველოში და 2012 წლის არჩევნები, როდესაც ხელისუფლებაში ბიძინა ივანიშვილი მოვიდა. ეს ყველაფერი ფილმში კრემლის ერთიან სქემაშია მოქცეული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.