ამერიკის შეერთებული შტატების პრეზიდენტმა, დონალდ ტრამპმა გააფრთხილა სირიის მთავრობა და მისი რუსი და ირანელი მოკავშირეები ამბოხებულების მიერ დაკავებული იდლიბის პროვინიციაზე „უგუნური“ თავდასხმების წინააღმდეგ.

„თვითერის“ მეშვეობით გაკეთებულ განცხადებაში მან „უზარმაზარი ჰუმანიტარული შეცდომის“ შესახებ გააკეთა გაფრთხილება, რომელმაც შესაძლოა ასეულობით ათასი ადამიანი იმსხვერპლოს.

სირიის სამთავრობო ძალებმა განაცხადეს, რომ ემზადებიან ამბოხებულების მიერ დაკავებული ბოლო მთავარი უზარმაზარი ციხე-სიმაგრის წინააღმდეგ იერიშის მისატანად.

გაერთიანებული ერების ორგანიზაცია აცხადებს, რომ ამგვარ საბრძოლო ქმედებებს შესაძლოა გამანადგურებელი შედეგები ჰქონდეს ათასობით მშვიდობიანი მოქალაქისთვის.

აშშ-ის სახელმწიფო დეპარტამენტმა ორშაბათს ასევე გააფრთხილა ოფიციალური დამასკო, რომ ვაშინგტონი სირიის მთავრობის ან მისი მოკავშირეების მიერ განხორციელებულ ნებისმიერ ქიმიურ თავდასხმას პასუხს გასცემს.

აშშ-ის ელჩმა გაეროში ნიკი ჰეილიმ „თვითერზე“ დაწერა: „ყველა თვალი იდლიბში ასადის, რუსეთის და ირანის ქმედებებისკენაა მიპყრობილი. #არაქიმიურიარაღს“ (NoChemicalWeapons").