გიორგი მარგველაშვილმა იაპონიის საგარეო საქმეთა მინისტრის ტარო კონოს საქართველოში ვიზიტს ისტორიული უწოდა და აღნიშნა, რომ იაპონიიდან პირველი ასეთი მაღალი დონის ვიზიტი საქართველოსა და იაპონიას შორის არსებულ მეგობრულ ურთიერთობებს კიდევ უფრო გააღრმავებს და განავითარებს.
პრეზიდენტმა აღინიშნა, რომ ვიზიტი საქართველოს მიმართ იაპონიის მხრიდან მაღალ დონეზე გამოვლენილ მნიშვნელოვან მხარდაჭერას ადასტურებს.
შეხვედრისას ისაუბრეს ორ ქვეყანას შორის ეკონომიკური თანამშრომლობის მნიშვნელობაზე და აღნიშნა, რომ იაპონიის მთავრობა საერთაშორისო თანამშრომლობის სააგენტოს მეშვეობით, საქართველოს შეღავათიანი სესხის სახით ფინანსურ რესურსს გამოუყოფს, რომელიც აღმოსავლეთ-დასავლეთის ჩქაროსნული ავტომაგისტრალის ერთ-ერთი რთული მონაკვეთის საავტომობილო გზის მშენებლობას მოხმარდება.
როგორც შეხვედრისას აღინიშნა, უმაღლესი დონის ვიზიტების გააქტიურება მნიშვნელოვანი წამახალისებელი ფაქტორია იაპონური ბიზნესსექტორისათვის განიხილონ საქართველო, როგორც მიმზიდველი საინვესტიციო მიმართულება ხელსაყრელი საინვესტიციო და ბიზნესგარემოს მიმართულებით.
საუბარი შეეხო საქართველოს ოკუპირებულ ტერიტორიებს და გიორგი მარგველაშვილმა მადლობა გადაუხადა იაპონიის საგარეო საქმეთა მინისტრს საქართველოს სუვერენიტეტის, ტერიტორიული მთლიანობის და საქართველოს ევროპულ და ევროატლანტიკურ სტრუქტურებში ინტეგრაციის კუთხით იაპონიის მხარდაჭერისათვის.
ტარო კონომ გიორგი მარგველაშვილს დაბადების დღის აღსანიშნავად იაპონური ტრადიციული ტორტი გადასცა.
ინფორმაციას პრეზიდენტის ადმინისტრაცია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.