„ძალა ერთობაშია“-ს საპრეზიდენტო კანდიდატი გრიგოლ ვაშაძე, რომელიც ამომრჩეველს ამჯერად ხარაგაულში შეხვდა, აცხადებს, რომ დღევანდელი ხელისუფლება „პირდაპირ არის ქვეყნის გაძარცვაზე გადასული, იმიტომ რომ იცის, აქვს ჩემოდნები ჩასალაგებელი და ემიგრაციაში არიან წასასვლელი“.

„ჩვენ ახლა ვიმყოფებით ხარაგაულში, სადაც აი, ამ შენობას ხარაგაულელები ეძახიან „ჩვენ პირამიდას“, რომელიც არის აშენებული 500 ათას ლარად, ნახევარ მილიონად და პირველივე წვიმის დროს დაიშალა და დატოვა ხარაგაული კინოთეატრის და ღია ამფითეატრის გარეშე. ეს არის ჩვენი უბედურება. ყველაზე დიდი უბედურება კი არის ის, რომ გვყავს ხელისუფლება, რომელიც, არაპროფესიონალი რომ იყოს მარტო, გადავიტანდით - ხელისუფლება, რომელიც პირდაპირ არის ქვეყნის გაძარცვაზე გადასული, იმიტომ რომ იცის, აქვს ჩემოდნები ჩასალაგებელი და ემიგრაციაში არიან წასასვლელი, რაც შეიძლება სწრაფად“, განაცხადა გრიგოლ ვაშაძემ.