განათლების, მეცნიერების, კულტურის და სპორტის მინისტრმა, მიხეილ ბატიაშვილმა განაცხადა, რომ პირველი ექსპერიმენტული სკოლის დირექტორმა თანამდებობა საქმეში საკუთარი მორალური პასუხისმგებლობის გრძნობის გამო დატოვა. რაც შეეხება 51-ე საჯარო სკოლის დირექტორს - მინისტრი აცხადებს, რომ ელოდებიან  გამოძიების და კომისიის მუშაობის დასრულებას და თუ საჭირო იქნება სამინისტროს მხრიდან, რაიმე გადაწყვეტილების მიღება, ის კომპეტენციის პირობებში იმოქმედებს.

„ძალიან მნიშვნელოვანი კადრია განათლების სისტემისთვის, ვინც დატოვა თანამდებობა. მას რამდენჯერმე სურდა ამის გაკეთება, გრძნობდა მორალურ პასუხისმგებლობას მთლიანად ამ სამწუხარო მოვლენებთან დაკავშირებით და თავის თავად მისი სურვილი იყო განცხადების დაწერა, მაგრამ იმდენად კვალიფიცირებული კადრია, რომ ძალიან მოხარული ვართ ჩვენთან მასწავლებლის სახლში, რომ გააგრძელებს მუშაობას და რაც შეეხება სხვა დირექტორის გადაწყვეტილებას ეს დამოკიდებულია ამ გარკვეულ დასკვნებზე ან თვითონ ადამიანის გადაწყვეტილებაზე ამიტომ ჩვენ დაველოდებით, პირველ რიგში, გამოძიების დასრულებას, კომისია რომელიც მუშაობს მის დასკვნებს და შესაბამისად სამინისტრო ამის შემდეგ მიიღებს თავისი კომპეტენციის ფარგლებში გადაწყვეტილებას“, განაცხადა მიხეილ ბატიაშვილი.