საქართველოს პრემიერ მინისტრმა, მამუკა ბახტაძემ მთავრობის სხდომის დაწყებამდე ბრიფინგზე ევროპარლამენტის მომხსენებლის, ანდრეს მამიკინსის ანგარიში შეაფასა და მისი თქმით, ეს ანგარიში უნდა იყოს პოზიტიური იმპულსის მიმცემი თითოეული ქართველისთვის და ეს არის ქართველი ერის წარმატება და არა „ქართული ოცნების. ბახტაძემ ოპოზიციურ პარტიებს მოუწოდა, რომ გააკეთონ ისეთი კომენტარები, რომელიც ქვეყნის ინტერესებისთვის არის საჭირო და არა ვიწრო პარტიულისთვის.

„რაც შეეხება მამიკინსის შეფასებას, ის შეფასებები რაც დაიდო ეს არის საამაყო თითოეული ქართველისთვის და თითოეული ჩვენი მოქალაქისთვის მიუხედავად მისი პოლიტიკური შეხედულებისა, თითოეული მოქალაქისთვის ვისაც საქართველო წარმოუდგენია ევროპულ ოჯახში და მე ვფიქრობ რომ ეს უნდა იყოს ძალიან პოზიტიური იმპულსის მიმცემი ნებისმიერი ადამიანისთვის განურჩევლად თუ რომელ პარტიას ეკუთნის ის მაგრამ როდესაც ესეთი საკითხები დაიყვანება ვიწრო პარტიულ ინტერსებზე სამსჯელოდ, რა თქმა უნდა, ეს არის მიუღებელი. მე ვთქვი, რომ მზად ვართ ნებისმიერი დიალოგისთვის, მაგრამ ამ ქვეყანამ გააკეთა თავისი ცივილიზებული არჩევანი და ამ არჩევანის გზაზე ჩვენ ვდგამთ მნიშვნელოვან ნაბიჯებს. თუ ის პოლიტიკური ძალები, რომლებიც აცხადებენ რომ მხარს უჭერენ ჩვენს ქვეყანას ამ გზაზე, მაშინ კეთილი ინებონ და გააკეთონ ის კომენტარები რასაც აკეთებენ ჩვენი ევროპელი კოლეგები ეს არის ჩვენი ერთიანი წარმატება, ჩვენ ესე მიგვაჩნია, რომ ეს არის ქართული ერის წარმატება და არა პარტიული წარმატება“, განაცხადა მამუკა ბახტაძემ.