საქართველოს პრემიერ მინისტრმა, მამუკა ბახტაძემ მთავრობის სხდომის დაწყებამდე ბრიფინგზე ხორავას ქუჩაზე მომხდარი მკვლელობის საქმეზე შექმნილი პარლამენტის დროებითი კომისიის მიერ მიღებული „ევროპული საქართველოს“ დასკვნა შეაფასა. პრემიერს თქმით, ამ დასკვნის დიდი ნაწილი სწორედ პოლიტიკური შეფასებებია, ასევე ამბობს, კომისიამ დაგვარწმუნა, რომ გამოძიების მიმდინარეობის დროს მნიშვნელოვანი ხარვეზი არ ყოფილა.

„ჩემი შეფასება გახლავთ სწორედ ასეთი, რომ საგამოძიებო კომისიამ კანონმდებლობის ჩარჩოებში სწორედ ის უნდა განახორციელოს, რა მიზნისთვისაც შეიქმნა და რა ფუნქციაც აქვს. პოლიტიკური ნაწილი რომ გამოვაკლოთ, სამწუხაროდ, ამ დოკუმენტის დიდი ნაწილი სწორედ პოლიტიკური შეფასებები გახლავთ, მაგრამ ჩემთვის, ისევე როგორც ნებისმიერი მოქალაქისთვის, მთავარია ყველანი დავრწმუნდეთ, რომ გამოძიების პროცესში არ ყოფილა მნიშვნელოვანი ხარვეზი აღმოჩენილი ან თუ იყო, უნდა გამოსწორდეს. ეს არის ძალიან მნიშვნელოვანი მომენტი, რასაც საზოგადოება ელოდება და, რისთვისაც რეალურად იყო შექმნილი აღნიშნული კომისია“, განაცხადა მამუკა ბახტაძემ.