პრეზიდენტობის დამოუკიდებელი კანდიდატი სალომე ზურაბიშვილი „ქრონიკასთან“ საუბრისას აცხადებს, რომ საარჩევნო პროგრამა ვერ ექნება, მისივე თქმით, პრეზიდენტს უნდა ჰქონდეს ხედვა ქვეყნის მშენებლობის გზაზე. დამოუკიდებელი კანდიდატი, რომელიც „ქართული ოცნების“ მხარდაჭერას ელოდება ამბობს, რომ არ აქვს პრეტენზიები, რომ ქვეყნის ყველა პრობლემას მოაგვარებს.

„ძალიან პრეტენზიული რომ არ ვიყო და არ დავიწყო, რომ მე მოვაგვარებ იმ ძალიან მნიშვნელოვან და ღრმა პრობლემებს, რაც არსებობს ამ ქვეყანაში, მე პრეტენზიები ამასთან არ მაქვს, იმიტომ რომ ეს პრობლემები უნდა მოვაგვაროთ ყველამ ერთად. პროგრამა, როგორც ასეთი პრეზიდენტს ვერ ექნება, პრეზიდენტს უნდა ჰქონდეს ხედვა, რაც ყველაზე მეტად აკლია ამ ქვეყანას ეს არის სწორედ მომავლის ხედვა, მომავლის ნდობა, მომავლის სერიოზული და საფუძვლიანი იმედი, ეს არის პრეზიდენტის მოვალეობა, რომ ამ ქვეყანას დაუბრუნო თავის თავის მიმართ ნდობა, დაჯერება და ერთად შევუდგეთ ამ ქვეყნის მშენებლობას“, განაცხადა სალომე ზურაბიშვილმა.