ფინანსთა მინისტრი ივანე მაჭავარიანი სამარცხვინოს უწოდებს „ომეგა ჯგუფის“ ქმედებას, როცა ის მედიას ეფარება ზურგს უკან. მაჭავარიანის თქმით, „იბერიას“ საშუალებით ცდილობს სახელმწიფოს დაშანტაჟებას, თუმცა ეს არ გამოუვა და კეთილი ნებით, ფული უნდა ჩარიცხონ ქვეყნის ბიუჯეტში. 

„ხელისუფლება არასოდეს არ ყოფილა ბიზნესის მიმართ ეგეთი მეგობრული და არც მედია ეგეთი თავისუფალი, როგორც ეს არის ჩვენი ხელისუფლების პირობებში, ამიტომ სრული პასუხისმგებლობით მინდა გითხრათ, რომ მიუღებელია და სამარცხვინოა მედიას ამოფარებული ზურგს უკან ბიზნესი, როდესაც მედიას იყენებს შანტაჟის იარაღად და ცდილობს, რომ გადასახდელებისგან თავი აირიდოს. სახელმწიფოს ვერავინ ვერ დაელაპარაკება შანტაჟის ენით, ეს არის ხალხის ფული და კეთილი ინებონ და გადაიხადონ ბიუჯეტში“, განაცხდა ივანე მაჭავარიანმა.