„ომეგა ჯგუფის“ ერთ-ერთ დამფუძნებელს და „პატრიოტთა ალიანსის დეპუტატს“ ნატო ჩხეიძეს, ასევე ტელეკომპანია „იბერიის“ ჟურნალისტებს პრეზიდენტი გიორგი მარგველაშვილი შეხვდა, ბოლო დროს განვითარებულ მოვლენებთან დაკავშირებით. პრეზიდენტს კომენტარი არ გაუკეთებია ამ დროისთვის. როგორც დეპუტატი ნატო ჩხეიძე აცხადებს, მარგველაშვილს ჰქონდა ბევრი შეკითხვა მასთან რაზეც მან უპასუხა გულწრფელად, მისივე თქმით, პრეზიდენტი ეცდება ბიზნესის და სიტყვის თავისუფლების დაცვას, თავისი კომპეტენციის ფარგლებში.

„ბევრი კითხვა ჰქონდა, ამ კითხვებზე მე გულწრფელად ვუპასუხე და პრეზიდენტმა გამოიტანა დასკვნა, რომ აუცილებელია დაცული იქნას ქვეყანაში თავისუფალი სიტყვა და თავისუფალი ბიზნესი და რომ ის მაქსიმალურად შეეცდება მის კომპეტენციის ფარგლებში, რომ ეს გააკეთოს“, განაცხადა ნატო ჩხეიძემ.