ვანისა და ბაღდათის მიტროპოლიტი მეუფე ანტონი ხელისუფლებას ურჩევს, რომ ის ენერგია და ფული, რაც კანაფის მოყვანაში უნდა დახარჯონ, უმჯობესია სოფლის მეურნეობაში ჩადონ და ქართველ გლეხს მისცენ საშუალება თავისი მოყვანილი პროდუქტი საზღვარგარეთ გაიტანოს. მისივე თქმით, ქართულ ეკონომიკას არ შეშვენის ამ გზით გაძლიერება.
„ძალიან ნეგატიური დამოკიდებულება მაქვს, იმიტომ რომ მე აღვნიშნე, ეს ისეთი რამ არის, რომელიც დროში ჩანს, ესე არ ჩანს. აი, მე ფაქტიურად დარწუნებული ვარ, რომ ის ადამიანები, რომლებიც დღეს მხარს უჭერენ, ასაკში რომ იქნებიან, პირველები იქნებიან, რომლებიც უარყოფით დამოკიდებულებას გამოხატავენ.
მე არ მგონია, რომ საქართველოს ამ გზით შეშვენოდეს თავისი ეკონომიკის გაძლიერება, ჩვენ უმაგისოდაც გვაქვს. რაც მანდ უნდა ჩადონ, სოფლის მეურნეობაში ჩადონ, ნამდვილად გამოდის ხალხი და ვერ გააქვთ ხილი საზღვარგრეთ. იმაზე იზრუნონ, ღვინის პოპულარიზაციაზე იზრუნონ, ვენახის გაშენებაზე იზრუნონ და ენერგია იქ დახარჯონ და არა ამ ნარკოპოლიტიკაზე, ამიტომ არ მივესალმებით, რა თქმა უნდა“, განაცხადა მეუფე ანტონმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.