„ლეიბორისტული პარტიის" ლიდერი სამედიცინო დანიშნულებით, მარიხუანას საექსპორტოდ წარმოების დაწყების შესახებ საკონმდებლო ინიციატივას ეხმურება და აცხადებს, რომ შესაბამისი კანონის არსებობა საქართველოს მომავალი თაობისთვის საფრთხის შემცველია.
ინიციატივას ნათელაშვილი ბიძინა ივანიშვილს უკავშირებს და ამბობს, რომ მან ბიზნესი სწორედ ნარკოტიკის გაყიდვით დაიწყო.
„ჩვენი ულამაზესი მომავალი თაობა სერიოზული საფრთხის წინაშეა. ხელისუფლება იწყებს ნარკოტიკების წარმოებას, მოყვანას, ექსპორტს და ჩვენი მომავლის მოსპობას. ასეთი საშიშროება ჩვენი ერისა და ხალხის წინაშე არ ყოფილა არც ერთი მტრის შემოსევისა და არც ერთი ვაების დროს.
ბიძინა ივანიშვილმა 80-იან წლებში თავისი ბიზნესი დაიწყო ერეკლეს მოედანზე, უბანში ნარკოტიკების გაყიდვით და დღეს ამ ბიზნესს ის აგვირგვინებს მსოფლიო ნარკობარონის სტატუსით, რომელმაც გადააჭარბა ესკობარისა და გენერალ ნორიეგას ფორმას.
იწყება ნარკოტიკების ოფიციალური მოყვანა, დამზადება, გაყიდვა, ექსპორტი და მთელი ამ ბიზნესის მეპატრონე და კურატორი ივანიშვილი და მისი ოჯახია. ამისთვის უკვე ჩამოიყვანეს მათ სპეციალისტები საერთაშორისო ორგანიზაციიდან, გამართულია მოლაპარაკება ნარკოკომპანია გოლდმანთან, ამ სქემას უცხოეთიდან კურირებს ცნობილი მილიარდერი ნარკოვაჭარი, მაშკევიჩი...
მე ვაფრთხილებ საქართველოს პარლამენტის წევრებს, საქართველოს მთავრობის ვაი-წევრებს, თუ თქვენ ნარკოტიკების მოყვანა-რეალიზაცია-წარმოებას მხარს დაუჭერთ, ვერც ერთი ვერასოდეს ვეღარ იქნებით პოლიტიკაში", განაცხადა შალვა ნათელაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.