„ის, რასაც ჩვენ ახლა ვხედავთ, არის ძალიან სასაცილო - კომიკურ სახეს იძენს ქვეყანაში, რომელიც 95%-ით ამარაგებდა საბჭოთა კავშირს ჩაის პროდუქციით და სადაც არის ციტრუსების და ხილის წარმოების „მექა“, ვქმნით მარიხუანას სამინისტროს,“ აცხადებს „ერთიანი ნაციონალური მოძრაობის" წევრი რომან გოცირიძე.

ოპოზიციონერი დეპუტატის თქმით, საქართველო, იმ შემთხვევაში, თუ ქვეყანა მარიხუანას კულტივაციას და ექსპორტს დაიწყებს, სახელს დაიმკვიდრებს, როგორც ნარკოტიკების ექსპორტიორი სახელმწიფო.

„ჩაის პლანტაციები განადგურებულია, სოფლის მეურნეობა დეგრადირებულია, მივდივართ უკან და უკან და ვიღაცას თავში მოუვიდა თავხედური აზრი, რომ დასცინოს ხალხს. საქართველო გახდება მსოფლიოს რუკაზე ნარკოტიკების ექსპორტიორი სახელმწიფო და ამით დავიმკვიდრებთ სახელს. თუ ვიღაცას ჰქვია „ბანანის რესპუბლიკა“, ჩვენ დაგვერქმევა სახელად „კანაფის რესპუბლიკა", განაცხადა რომან გოცირიძემ „რუსთავი 2"-თან საუბრისას.