„ამ ხალხის [სალომე ზურაბიშვილის] არჩევა გიორგი ანწუხელიძეს, რომელაშვილებს, წარმოუდგენელი გმირობით და უამრავ სხვა გმირს, შინდისის გმირებს, მოკლავს ხელახლა“, განაცხადა საქართველოს ყოფილმა პრეზიდენტმა მიხეილ სააკაშვილმა „რუსთავი 2“-ის გადაცემა „კვირის აქცენტებში“ პირდაპირი ჩართვისას.

„გიორგი ანწუხელიძეს, თუ გახსოვთ, აწამებდნენ და ეუბნებოდნენ, რომ აკოცე მიწას და თქვი, რომ სააკაშვილი არის ასეთი და ისეთი და გიორგი ანწუხელიძემ უარი თქვა ამის განცხადებაზე და ამის გამო მოკლეს წამებით - ესენი, ეს ხალხი (რედაქცია: სააკაშვილის ოპონენტები - სალომე ზურაბიშვილი და სხვები) დიდი სიამოვნებით გმობენ - იმიტომ რომ, გიორგი ანწუხელიძეს ესმოდა, რომ იმ შემთხვევაში უმაღლესი მთავარსარდალის დაგმობა, ეს იყო ქართული სახელმწიფოს დაგმობა. ამ ხალხის არჩევა გიორგი ანწუხელიძეს, რომელაშვილებს, წარმოუდგენელი გმირობით და უამრავ სხვა გმირს, შინდისის გმირებს, მოკლავს ხელახლა. რაც შეეხება სალომე ზურაბიშვილს, ვერ იყო ეს ქალი, ქრებოდა, უცნაურად იქცეოდა სამინისტროს შიგნით, ჩემთან ურთიერთობებშიც იყო უცნაური და იმ შემთხვევაში პარლამენტმა უბრალოდ მიიღო გადაწყვეტილება ჩამოშორების ხელისუფლებიდან... იყო სრულიად არაადეკვატური“, განაცხადა მიხეილ სააკაშვილმა.