ხორბლის გადამზიდავები, რომლებიც მესამე დღეა ხორბლის სახმელეთო გზით გადაზიდვის აღდგენას ითხოვენ, აცხადებენ, რომ ადგილზე პოლიციის დამატებითი ძალები მიიყვანეს და იმ შემთხვევაში, თუ აქციის მონაწილეებს სამართალდამცავები დაუპირისპირდებიან, ვითარება უმართავი გახდება.
„აქ შემოიყვანეს დიდი რაოდენობით პოლიცია. ამ ხელისუფლების ერთ-ერთი ყველაზე რეიტინგული მინისტრი, ბ-ნი გახარია არ შეცდეს და არ მიიღოს ისეთი გადაწყვეტილება, რომელი გადაწყვეტილებაც ამ მშიერი ხალხის მიმართულებით წამოვა შსს-დან. უმართავი გახდება მერე ალბათ სიტუაცია", უთხრა აქციის მონაწილე ირაკლი გაგნიძემ ჟურნალისტებს.
ადგილზე მისულმა შსს-ს ქვემო ქართილის პოლიციის სამმართველოს უფროსმა, ლაშა გოგნიაშვილმა კი, თქვა, რომ პოლიცია საზოგადოებრივ უსაფრთხოებას იცავს.
ხორბლის სახმელეთო გზით გადაზიდვის აღდგენას უკვე მესამეა დღეა ითხოვენ აღნიშნულ სფეროში დასაქმებულები და იმ შემთხვევაში, თუკი ფინანსთა მინისტრისთვის მიცემული ულტიმატუმი, რომლის ვადაც დღის ბოლოს იწურება, არ შესრულდება, ხვალიდან, 20 სექტემბრიდან, საქართველოს ყველა შემოსასვლელი საბაჟო-გამშვები პუნქტი მათი სატვირთო ავტომანქანებით გადაიკეტება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.