„ყველაზე საშინელი შეცდომა, რაც კი ჩვენი ქვეყნის ისტორიაში ჩადენილა, ეს არის ახლო აღმოსავლეთში წასვლა პრეზიდენტ ბუშის მიერ“, განაცხადა ამერიკის შეერთებული შტატების პრეზიდენტმა, დონალდ ტრამპმა „Hill.TV“-ისთან ექსკლუზიურ ინტერვიუში.
„ობამამ შესაძლოა ჯარისკაცები შეცდომით გამოიყვანა, მაგრამ იქ წასვლა, ჩემთვის, ყველაზე დიდი შეცდომაა, რაც კი ჩვენი ქვეყნის ისტორიაში მომხდარა, რადგან ჩვენ 7 ტრილიონი დოლარი დავხარჯეთ ახლო აღმოსავლეთში,ასევე, მილიონობით ადამიანის სიცოცხლე შეეწირა, გესმით? მე მიყვარს ორივე მხარე დავთვალო. მილიონობით სიცოცხლე“, აღნიშნა ტრამპმა და დაამატა:
„ჩემთვის, ეს ყველაზე უარესი შეცდომაა ჩვენი ქვეყნის ისტორიაში. სამოქალაქო ომი შეიძლება გაიგო. სამოქალაქო ომი. სამოქალაქო ომი. ეს განსხვავებულია. მე თქვენ გეტყვით, რომ ჩვენთვის, ახლო აღმოსავლეთში შესვლა, ცუდი დღე იყო ჩვენი ქვეყნისთვის“.
ბრაუნის უნივერსიტეტის მიერ ბოლოს, 2017 წლის სექტემბერში გაკეთებული შეფასებით, 5.6 ტრილიონი დოლარი შეადგინა ხარჯმა, რომელიც მოიცავს აშშ-ის ორ ომს, პაკისტანთან და სირიასთან დაკავშირებულ სამხედრო ქმედებას, ჰოუმლენდის უსაფრთხოების ხარჯებს და ომების ვეტერანთა ჯანდაცვის ხარჯებს.
პენტაგონის შეფასებით, 2001 და 2018 წლებში ერაყთან, ავღანეთთან და სირიასთან დაკავშირებული ომების საერთო ხარჯმა 1.52 ტრილიონი დოლარი შეადგინა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.