„ევროპული საქართველოს" ერთ-ერთმა ლიდერმა, გიგა ბოკერიამ პარლამენტში გამართულ სხდომაზე მმართველი პოლიტიკური გუნდის წარმომადგენლები ხორავას ქუჩაზე მომხდარი მკვლელობის საქმესთან დაკავშირებით „ქართული ოცნების" მიერ წარდგენილი დასკვნის გამო, გააკრიტიკა. 

„აქედან რა დასკვნა გამოიტანეთ, ყველამ თქვენ და მთავრობამ, რომ იმ ცუდი, თქვენი ვერსიით, წარსულიდან გამოსავალი არის უკან დაბრუნება იმ დროში, როცა თუ მოხდება ასეთი ტრაგედია ახალგაზრდებს შორის სისხლიანი გარჩევა, ვისაც ახლობელი ჰყავს თანამდებობის პირი, იმას ხელი უნდა დაფარდეს და ის არ უნდა დაისაჯოს? ეს არის დასკვნა? თქვენი აზრით, სწორი შეფასებით, ცუდი წარსულით, ამით ამართლებთ იმას, რომ დღეს თუ სისხლიანი გარჩევა მოხდება, ვისაც ახლობელი ჰყავს პროკურატურაში იმას უნდა დაეფაროს ხელი და მარტო სხვები წავიდნენ ციხეში? ეს არის თქვენი წინგადადგმული ნაბიჯი და ეს არის თქვენი ხედვა? ეს პოლიტიკური კონკურენცია თუ სიძულვილი გვერდზე გადადოთ ერთი წამით, ან ცალკე ილაპარაკოთ ჩვენ მიმართ სიძულვილზე, ცალკე, გამოვყოთ ეს საკითხი და დავუბრუნდეთ ამ ამბავს, რაზეც იყო კომისია შექმნილი და რაზეც კომისიამ დადო დასკვნა", განაცხადა გიგა ბოკერიამ.