საპარლამენტო უმრავლესობის ლიდერის არჩილ თალაკვაძის შეფასებით, უსაფრთხოების თვალსაზრისით საქართველოს ხელშესახები წარმატება აქვს.
როგორც ჟურნალისტებს არჩილ თალაკვაძემ განუცხადა, ქვეყანას მზარდი ტურიზმი, ღია ეკონომიკა აქვს და საერთაშორისო მისიებში ძალიან საიმედო პარტნიორია.
„ლოგიკურია, რომ უსაფრთხოების თვალსაზრისით საქართველო მოწინავე ადგილს იკავებს. რეფორმები, რომლებიც შინაგან საქმეთა სამინისტროში ხორციელდება, მომავალში კიდევ უკეთეს პოზიციებსა და მეტ უსაფრთხოებას მოგვცემს. სახელმწიფოს მართლწესრიგის უზრუნველყოფისთვის ძლიერი ბერკეტები აქვს. დარწმუნებული ვარ, საზოგადოების მხარდაჭერის ფონზე პოლიციელები, სამართალდამცავები საქართველოს მაღალ რეპუტაციას შეინარჩუნებენ”, – განაცხადა თალაკვაძემ.
ცნობილი კვლევითი პორტალის, Numbeo-ს მიერ გამოქვეყნებული მონაცემების თანახმად, 2018 წელს, საქართველომ, მსოფლიოს 125 ქვეყანას შორის, დანაშაულისა და უსაფრთხოების ინდექსების მიხედვით, 2017 წელთან შედარებით, პოზიცია ორი საფეხურით გაიუმჯობესა და მეხუთე ადგილი დაიკავა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.