საქართველო-ესტონეთის წარმატებულ თანამშრომლობასა და ევროპული და ევროატლანტიკური ინტეგრაციის პროცესში მხარდაჭერაზე ისაუბრეს საქართველოსა და ესტონეთის პრემიერ-მინისტრებმა გაეროს გენერალური ასამბლეის 73-ე სესიის ფარგლებში გამართულ შეხვედრაზე.
მამუკა ბახტაძემ და იური რატასმა ხაზი გაუსვეს როგორც ორმხრივ, ისე მრავალმხრივ ფორმატებში ნაყოფიერ თანამშრომლობას. საქართველოს პრემიერ-მინისტრმა განაცხადა, რომ მთავრობა ქვეყნის ევროპული და ევროატლანტიკური ინტეგრაციის გზაზე ესტონეთის მნიშვნელოვან მხარდაჭერას აფასებს.
შეხვედრაზე აღინიშნა, რომ ესტონეთი, როგორც ერთ-ერთი წამყვანი რეფორმატორი ქვეყანა, ბევრი მიმართულებით საქართველოსთვის სამაგალითოა. პრემიერმა ისაუბრა მთავრობის მიერ დაგეგმილ რეფორმებზე, რომლებიც განათლების სისტემის ყველა საფეხურზე ინოვაციების დანერგვას, ადამიანური კაპიტალის განვითარებას, სწრაფი ეკონომიკური ზრდის ხელშეწყობასა და ეკოლოგიის გაჯანსაღებას გულისხმობს.
მხარეებმა ასევე განიხილეს ორმხრივი ეკონომიკური კავშირების გააქტიურებისა და საქართველო-ესტონეთს შორის პირდაპირი საჰაერო მიმოსვლის პერსპექტივა.
საუბარი შეეხო საქართველოს ოკუპირებულ ტერიტორიებზე შექმნილ მძიმე ჰუმანიტარულ მდგომარეობას და მთავრობის სამშვიდობო ინიციატივებს. საქართველოს პრემიერ-მინისტრმა ესტონეთს ქვეყნის ტერიტორიული მთლიანობისა და სუვერენიტეტის ურყევი მხარდაჭერისთვის მადლობა გადაუხადა.
ინფორმაციას პრემიერ მინისტრის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.