ქალაქ ხონის №1 საბავშვო ბაღს სრული რეაბილიტაცია ჩაუტარდა. პროექტი რეგიონული განვითარების ფონდისა და ადგილობრივი ბიუჯეტის მიერ 312 000 ლარით დაფინანსდა და სამუშაოები ელექტრონულ ტენდერში გამარჯვებულმა კომპანიამ შ.პ.ს. „პარმაღი“ შეასრულა.

საბავშვო ბაღში მიმდინარე სამუშაოები ხონის მუნიციპალიტეტის მერმა ლადო ჯურხაძემ და ინფრასტრუქტურის სამსახურის უფროსმა ილია ყუფარაძემ მოინახულეს. აღნიშნულ ბაღში 130-მდე ბავშვი სასწავლო-სააღმზრდელო პროცესს 1-ელ ოქტომბერს დაიწყებს.

„ჩვენი ხელისუფლების ერთ-ერთი პრიორიტეტია მომავალი თაობების განათლებისთვის შესაბამისი პირობების შექმნა. სწორედ ამ პრინციპიდან გამომდინარე ქალაქ ხონში #1 საბავშვო ბაღს სრული რეაბილიტაცია ჩაუტარდა და ახალი სასწავლო წლიდან პატარებს ყველანაირი პირობა ექნებათ სააღმზრდელო პროცესის მაღალი სტანდარტებით წარმართვისთვის. პროექტის ფარგლებში შენობაში სრულად გარემონტდა ოთახები, შეიღება კედლები და ჭერი, მოეწყო ლამინატისა და კერამიკული ფილების იატაკი, მოწესრიგდა სველი წერტილები, საკანალიზაციო სისტემა, ელექტრო გაყვანილობა და შეიღება შენობის გარე ფასადი. სააღმზრდელო დაწესებულება ახალი ავეჯით, სამზარეულო ტექნიკითა და ყველა საჭირო ინვენტარით აღიჭურვა. ამ მიმართულებით, წელსვე განხორციედება კიდევ ერთი პროექტი და სოფელ გოჩა-ჯიხაიშის სკოლამდელი აღზრდის დაწესებულება თანამედროვე სტანდარტების ტიპის შენობით ჩანაცვლდება“, განაცხადა ხონის მუნიციპალიტეტის მერმა ლადო ჯურხაძემ.

ინფორმაციას ხონის მუნიციპალიტეტის მერიის პრესსამსახური ავრცელებს.