პარლამენტის შენობასთან, სადაც ხორავას ქუჩაზე მოკლული არასრულწლოვნის მამა, ზაზა სარალიძე აქციას მართავს, ინციდენტი მოხდა.
აქციის ერთ-ერთ მონაწილეს სამართალდამცველებმა ჩანთის შემოწმება სთხოვეს, რასაც ზაზა სარალიძის მხრიდან უკმაყოფილება მოჰყვა. ზაზა სარალიძემ განაცხადა, რომ ადამიანი, რომელსაც ჩანთის შემოწმება სთხოვეს, მისი ცოლი იყო. სარალიძე პოლიციელებს ეკითხებოდა, „რომელმა დაარტყა ჩემს ცოლს ხელი“, რის შემდეგაც ერთ-ერთ სამართალდამცველს შეაფურთხა და სიტყვიერი შეურაცხყოფა მიაყენა.
სამართალდამცველებმა ზაზა სარალიძეს პარლამენტთან კარვების გაშლის საშუალება არ მისცეს. აქციის მონაწილეები სამართალდამცველებს დაუპირისპირდნენ. პოლიციამ კი კარვების ნაწილი ტერიტორიიდან გაიტანა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.