ჭიათურის მუნიციპალიტეტის მერმა, პაატა ნადირაძემ, თანამდებობა დატოვა, თუმცა არ განუმარტავს, თუ რა გახდა ამის მიზეზი. მან აღნიშნა, რომ მისი პოსტიდან წასვლის მიზეზებზე განცხადებას მომავალში გააკეთებს.
2017 წლის ადგილობრივი თვითმმართველობის არჩევნებში მონაწილეობამდე ნადირაძე იმერეთის პირველი ვიცე-გუბერნატორის თანამდებობას იკავებდა.
მერის უფლებამოსილების ვადამდე ადრე შეწყვეტის შემთხვევაში მის მოვალეობას მერის პირველი მოადგილე ასრულებს. ახალი მერის არჩევის პროცედურები და ვადები კი საარჩევნო კოდექსის 169 მეორე პრიმა მუხლით არის განსაზღვრული.
კოდექსის მიხედვით, მერის უფლებამოსილების ვადამდე შეწყვეტის შემთხვევაში, რიგგარეშე არჩევნები ტარდება მაისში ან ოქტომბერში. კანონის მიხედვით, თუ მერს უფლებამოსილება 15 თებერვლიდან 15 ივლისამდე პერიოდში შეუწყდა, რიგგარეშე არჩევნები ტარდება იმავე წლის ოქტომბერში, ხოლო თუ მერს უფლებამოსილება 15 ივლისიდან 15 თებერვლამდე შეუწყდა − უახლოეს მაისში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.