საქართველოს პრემიერ-მინისტრის ირაკლი ღარიბაშვილის განცხადებით, ქვეყანაში სამართლიანობის აღდგენა, ხელისუფლების ერთ-ერთი მძიმე გამოწვევაა. მათ ქვეყნის სათავეში მოსვლისას, ათასობით დაჩაგრული, უფლებაშელახული, შეურაცხყოფილი მოქალაქე დახვდათ.
მისივე თქმით, სწორედ ამიტომ, 9 წლიანი დანაშაულებრივი სისტემის არქიტექტორები, სააკაშვილით დაწყებული და სხვა მაღალი თუ საშუალო თანამდებობის პირებით დამთავრებული, პასუხისგებაში მიეცნენ და კანონის ძალით დაისაჯნენ.
თუმცა, ღარიბაშვილის განცხადებით, ისინი იმავე შეცდომას ვერ გაიმეორებდნენ, რაც სააკაშვილის რეჟიმმა დაუშვა და ათასობით საჯარო მოხელეს ვერ დაიჭრდნენ, რომლებიც 9-წლიან დანაშაულებრივ სისტემაში იყვნენ ჩართულნი, რადგან ეს ადამიანები ხშირ შემთხვევაში, რეჟიმის მსხვერპლნი აღმოჩდნენ. ამის შესახებ მან გაზეთ „ასავალ-დასავალთან“ ინტერვიუში განაცხადა.
„ის რომ სააკაშვილი ოდესის ოლქის გუბერნატორია ეს ცალკე საკითხია, თუმცა ჩვენმა ხელისუფლებამ გააკეთა ყველაფერი, რაც უნდა გაეკეთებინა. ჩვენ უნდა გადაგვედგა ნაბიჯები ერის კონსოლიდაციისა და გამთლიანებისკენ. ჩვენს საზოგადოებას ზედმეტად გახლეჩვა და დაყოფა არ სჭირდება, რადგან ბოლო 25 წლის განმავლობაში ისედაც ბევრი პრობლემა გამოვიარეთ“, - განაცხადა ირაკლი ღარიბაშვილმა.
მისივე თქმით, დღეს მთავრობას არ შეუძლია, 9 წლიანი რეჟიმის დროს ჩამორთმეულ ქონებებისა და ბიზნესების ვალუტაში დაკონვერტირება და თანამოქალაქეებისთვის თანხის სახით დაბრუნება.
„ჩვენ ამის ფინანსური შესაძლებლოიბა არ გვაქვს. ამას ჩვენი ქვეყნის ბიუჯეტი ვერ გასწვდება და ამან, შეიძლება ისეთი კოლაფსი გამოიწვიოს, რომ ჩვენი ქვეყნის მომავალი საფრთხის წინაშე დადგეს“, - განაცხადა ირაკლი ღარიბაშვილმა.
მანვე, წინა ხელისუფლების დროს მოქმედ პროკურორებზე და პოლიციელებზეც ისაუბრა.
მისი თქმით, უამრავი მათგანი ნებსით თუ უნებლიეთ, უკანონობის მონაწილე გახდა, მიუხედავად იმისა, რომ ბევრ მათგანს ამის სურვილი არ ქონდა. თუმცა მათში ის ჯალათები არ შედიან, რომლებიც ხალხზე ფიზიკურად ძალადობდნენ.
„არ ვგულისხმობ იმ ჯალათებს, რომლებიც საკუთარ მოქალაქეებზე ფიზიკურად ძალადობნენ“, - განაცხადა ღარიბაშვილმა.
რაც შეეხებათ მოსამართლეებს, პრემიერის თქმით, ისინი დანაშაულებრივი სისტემის თანამონაწილენი იყვნენ და საჭიროა მათი სხვა, უფრო ჯანსაღი, გაუსვრელი, ახალი თაობის მოსამართლეებით ჩანაცვლება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.