პარტია „თავისუფალი საქართველოს“ ლიდერმა და პრეზიდენტობის კანდიდატმა, კახა კუკავამ საზოგადოებრივი მაუწყებლის ეთერში განაცხადა, რომ საპრეზიდენტო კანდიდატებს შორის დებატები წილისყრით იმართება და ესე არ უნდა იყოს. მისი თქმით, ის დებატებში ვერც ზურაბიშვილთან დადგება და ვერც ვაშაძესთან. კუკავა ასევე ამბობს, რომ ყველა არხის პრიორიტეტი ვაშაძე, ბაქრაძე და ზურაბიშვილია.
„მაგალითად, მე მონაწილეობას მივიღებ ბაქრაძესთან დებატებში და ამისთვისაც დიდი მადლობა, მაგრამ მონაწილეობას ვერ მივიღებ ვერც ვაშაძესთან და ვერც ზურაბიშვილთან. გავიგე, რომ ეს წილისყრამ დაადგინა, მაგრამ როცა ევროპულ ქვეყანაზე ვსაუბრობთ, ასეთი საკითხები იქ წილისყრით ხდება? ამ კრიტიკას თქვენ თავზე ნუ იღებთ, რადგან ეს მთლიანად ქვეყანაში არსებული კლიმატია. რა, დასამალია, რომ ამ არხის, ან სხვა არხების პრიორიტეტი ვაშაძე-ბაქრაძე-ზურაბიშვილია“, განაცხადა კუკავამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.