„ქართული ოცნების“ დეპუტატი ზვიად ძიძიგური „ომეგა ჯგუფის“ საქმის გარშემო გავრცელებულ ახალ აუდიოჩანაწერთან დაკავშირებით აცხადებს, რომ „რუსთავი 2“-ს ყველგან ბიძინა ივანიშვილი ელანდება ამ ბოლო 6 წლის მანძილზე.

„საპარლამენტო რესპუბლიკაში მმართველობა ხორციელდება პარლამენტის მეშვეობით და პარლამენტში უმრავლესობა აქვს „ქართულ ოცნებას“, რომლის თავმჯდომარეც არის ბიძინა ივანიშვილი. ივანიშვილი მონაწილეობს პოლიტიკურ პროცესებში, რაც შეეხება პრემიერს, მინისტრებს და თანმდებობის პირებს ისინი თავიაანთ ფუნქციებს ასრულებენ და მე ვფიქრობ ძალიან კარგადაც. „რუსთავი 2-ს“ ელანდება ყველგან ბიძინა ივანიშვილი. ეს არ ვიცი კარგია „რუსთავი 2“-სთვის ან ბიძინა ივანიშვილისთვის თუ არა, მაგრამ ეს არის ფაქტი 6 წელია.... კონკრეტულ ფაქტებთან დაკავშირებით უნდა გვითხრას პროკურატურამ“, განაცხადა ზვიად ძიძიგურმა.