ვიცე-პრემიერის, რეგიონული განვითარებისა და ინფრასტრუქტურის მინისტრის, მაია ცქიტიშვილის განცხადებით, მასაც აქვს შეკითხვები - რატომ დაუგროვდა ამ ოდენობის დავალიანება "ომეგა ჯგუფს:.

მისი თქმით, საწყის ეტაპზე გაკეთებული გაკეთებული გადავადებების შესახებ დეტალურად ისაუბრა ფინანსთა სამინისტრომაც და ეს, ისევე როგორც სხვა მრავალი ბიზნესის შემთხვევაში, გაკეთდა იმისთვის, რომ ადგილობრივი წარმოება და ნაციონალური მოძრაობის მმართველობის დროს წართმეული ბიზნესი ფეხზე დამდგარიყო.

„სამწუხაროდ, ომეგა ჯგუფს 50 მილიონი დავალიანება დაუგროვდა და ეს არის თანხა, რომელიც უნდა მოხმარდეს ჩვენს სოციალურ პროექტებს, პენსიებს, მასწავლებლების ხელფასებს, ინფრსტრუქტურულ სამუშაოებს. კიდევ ერთხელ ვამბობს, რომ ვერც ერთი ჩანაწერი ვერ გახდება იმის მიზეზი, რომ კომპანიამ არ გადაიხადოს დავალიანება... რაც შეეხება ჩანაწერების ავთენტურობის საკითხს, მეც ვისურვებდი გავიგო რამდენად რეალურია, თუმცა ალბათ ესეც ნაკლებად მნიშვნელოვანია, რადგან ჩვენ ვისმენთ მესამე პირების საუბარს, რასაც დამტკიცება სჭირდება“ - აღნიშნა მაია ცქიტიშვილმა.

ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა შეკითხვაზე - უნდა დაიბაროს თუ არა პროკურატურამ დაკითხვაზე ბიძინა ივანიშვილი, უპასუხა, რომ

პროკურატურა თავად იღებს გადაწყვეტილებას ვინ დაიბაროს დაკითხვაზე და ვინ - არა.

„არ არსებობს არავითარი წრე იმ პირების, ვისი დაკითხვაზე დაბარების შესაძლებლობაც არსებობს ან არ არსებობს. პროკურატურა დაკითხავს ყველას, ვისაც მიიჩნევს საჭიროდ. ამ კონკრეტულ შემთხვევაში, იმ სერიალებიდან გამომდინარე, რასაც ვისმენთ, მე ვერ ვხედავ არც ბიძინა ივანიშვილის და არც დასახელებული ბევრი ადამიანის დაბარების საჭიროებას“, განაცხადა მაია ცქიტიშვილმა.