„რუსთავი 2“  სკანდალური ფოტოებს ასაჯაროებს, სადაც ჩანს როგორ გაიტანეს წითელი ჩანთით 1 მილიონი დოლარი „თიბისი“ ბანკიდან.

კადრებში  სპორტის ექსმინისტრი ლევან ყიფიანი ჩანს, რომელიც ბანკში ზაზა ოქუაშვილის დაფუძნებული კომპანია „ოლიმპუსის“ დირექტორთან ალექსანდრე ხაჩიშვილთან ერთად იმყოფება. ფოტოებში ასახულია ისიც, როგორ ჩადეს ბანკიდან გატანილი ფული მანქანაში.

„კურიერის“ ინფორმაციით, მილიონი დოლარის ბანკიდან გატანაში პირადად ოთარ ფარცხალაძე იყო ჩართული. სატელეფონო ზარები ზუსტად იმ დროს არის განხორციელებული, როდესაც ზეწოლის ქვეშ მყოფი, „ომეგა ჯგუფის“ თანამშრომლები, ბანკის შენობაში იცდიდნენ.

ფული ზაზა ოქუაშვილის კომპანიის ანგარიშიდან მის მიერ მოფიქრებული კომბინაციის გამო ვერ გაჰქონდათ. ბიზნესმენმა 4 მილიონი ოფშორში 1 დღის დაფუძნებული კომპანიის ანგარიშზე ჩარიცხა. ასეთი თანხის მოკლე ვადებში განაღდებას კი კანონი კრძალავს. ოქუაშვილი იმედოვნებდა, რომ დროს მოიგებდა და ივანიშვილი ფულის გატანას ვერ მოახერხებდა, თუმცა ხელისუფლების წარმომადგენლებმა მოახერხეს ის, რომ ბანკის სამეთვალყურეო საბჭოს თავმჯდომარე და დირექტორი ბორჯომიდან ჩამოეყვანათ და თანხა არასამუშაო დროს გაეცათ.

„თიბისი“ ბანკმა ზაზა ოქუაშვილის და მისი გარემოცვის განცხადებებს წერილობითი პასუხი გასცა და გავრცელებულ ინფორმაციას სიცრუე უწოდა.