ინდონეზიაში პარასკევს მომხდარი 7.5 მაგნიტუდის სიმძლავრის მიწისძვრისა და მისგან გამოწვეული ცუნამის შედეგად დაღუპულთა რაოდენობამ 1 300-ს გადააჭარბა, იტყობინება BBC ქვეყნის ეროვნული კატასტროფის პრევენციის სააგენტოზე დაყრდნობით.
ინდონეზიის ქალაქ პალუში მომხდარი მძლავრი მიწისძვრის შედეგად გამოწვეული მეწყერისგან ჩამარხული ეკლესიის ნანგრევებში, რამდენიმე საათის წინ 34 ინდონეზიელი სტუდენტის ცხედარი იპოვეს.
თავდაპირველად გავრცელებული ინფორმაციის თანახმად, დაკარგულად იყო გამოცხადებული 86 სტუდენტი. ამჟამად, კი 52 სტუდენტის სამძებრო სამუშაოები მიმდინარეობს.
ინდონეზიაში პარასკევს მომხდარი 7.5 მაგნიტუდის სიმძლავრის მიწისძვრისა და მისგან გამოწვეული ცუნამის შედეგად დაღუპულთა რიცხვი, ბოლო მომაცემებით 844-ს შეადგენდა, თუმცა მოელოდნენ, რომ მსხვერპლის რაოდენობა გაიზრდებოდა, რადგან ბევრი ადამიანი ითვლებოდა დაკარგულად.
დანგრეულია ათასობით სახლი, ასევე საავადმყოფოები, სასტუმროები და სავაჭრო ცენტრები. როგორც BBC იუწყება, ხელისუფლებამ განაცხადა, რომ ისინი დაღუპულების მასობრივად დასაფლავებას იწყებენ, რადგან დაავადების გავრცელებას შიშობენ.
ყველაზე მეტად ქალაქი პალუ დაზარალდა. ვარაუდობენ, რომ ნანგრევების ქვეშ ათეულობით ადამიანია ცოცხლად მოყოლილი.
„კომუნიკაცია შეზღუდულია, მძიმე ტექნიკა შეზღუდულია... ეს არ არის საკმარისი იმ რაოდენობის შენობებისთვის, რომლებიც ჩამოიქცა“, განაცხადა ეროვნული კატასტროფის პრევენციის სააგენტოს წარმომადგენელმა, სუტოპო პურვო ნუგროჰომ.
7.5 მაგნიტუდის სიმძლავრის მიწისძვრის შემდეგ პარასკევს ცუნამის საფრთხე გამოცხადდა, მაგრამ ჯერ კიდევ უცნობია, იყო თუ არა ეს საფრთხე მოხსნილი იმ დროს, როცა 6 მეტრის სიმაღლის ტალღებმა ქალაქ პალუს სანაპირო ზოლს გადაუარეს.
გავრცელებულ ვიდეოში ჩანს, როგორ ყვირის ხალხი, როცა სანაპიროს, სადაც ზეიმი იყო დაგეგმილი, 6 მეტრის სიმაღლის ტალღებმა გადაუარა და მიწისაგან პირისა აღგავა ყველაფერი.
უბედურების ზონად გამოცხადებულ რეგიონს ქვეყნის პრეზიდენტი ჯოკო ვიდოდო ესტუმრა და დაჟინებით მოუწოდა სამაშველო სამსახურებს „დღე და ღამე“ გასწიონ ძალისხმევა, რათა ნანგრევებიდან ამოიყვანონ გადარჩენილები.
ინდონეზიის იუსტიციის მინისტრმა კი განაცხადა, რომ 1 200 მსჯავრდებული გაიქცა სამი სხვადასხვა სასჯელაღსრულების დაწესებულებიდან სულავესის რეგიონში, მიწისძვრისა და ცუნამის შემდეგ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.