ვანის მუნიციპალიტეტის მერიაში „საქართველოს მწვანეთა მოძრაობა/დედამიწის მეგობრები - საქართველოს“ ორგანიზებით პროექტის, „არასამთავრობო/სამოქალაქო საზოგადოების ორგანიზაციების გაძლიერებით მათი ჩართულობის უზრუნველყოფა გადაწყვეტილების მიღების პროცესში ადგილობრივ და ეროვნულ დონეებზე“, ფარგლებში საინფორმაციო შეხვედრა შედგა.

შეხვედრის მიზანს წარმოადგენდა ვანის მუნიციპალიტეტის ხელმძღვანელობასა და მუნიციპალიტეტის თანამშრომლებს მიეღოთ ინფორმაცია პროექტის მიზნებისა და ამოცანების, ასევე, პროექტის ფარგლებში მათ მუნიციპალიტეტში დაგეგმილი ღონიძიებების შესახებ.

პროექტი ხორციელდება ევროკავშირის ფინანსური მხარდაჭერით და მას ახორციელებენ საქართველოს მწვანეთა მოძრაობა/დედამიწის მეგობრები–საქართველო; სითი ინსტიტუტი საქართველო; სამეცნიერო–ინტელექტუალური კლუბი „თაობათა დიალოგი“ და საზოგადოებრივი დამცველი.

პროექტი ითავლისწინებს სამოქალაქო საზოგადოების ორგანიზაციებისა და ადგილობრივი თვითმმართველობების გაძლიერებას, საზოგადოების ცნობიერების ამაღლებას გარემოზე ზემოქმედების შეფასების პროცედურასთან დაკავშირებით და მათი ჩართულობის ხელშეწყობას გადაწყვეტილების მიღების პროცესში.

პროექტის განხორციელების არეალია საქართველოს 4 რეგიონი (მცხეთა–მთიანეთი; იმერეთი; რაჭა–ლეჩხუმი და სამცხე–ჯავახეთი). გარდა სამიზნე რეგიონებისა, საინფორმაციო შინაარსის შეხვედრები შედგება მთელი საქართველოს მასშტაბით.

დღევანდელ შეხვედრას ვანის მუნიციპალიტეტის მერი ალექსანდრე გოგორიშვილი, მერის მოადგილე გოჩა ჭუბაბრია და ადგილობრივი ხელისუფლების სხვა წევრები დაესწრნენ. ალექსანდრე გოგორიშვილმა აღნიშნული პროექტის მნიშვნელობაზე ისაუბრა და მასში აქტიური მონაწილეობის მზაობა გამოთქვა.

ინფორმაციას ვანის მუნიციპალიტეტის მერია ავრცელებს.