„ნაციონალური მოძრაობა „ომეგას“ და „იბერიას“ დასაცავად რომ გამოვა კომიკური სურათი იქნება, იმიტომ რომ ზუსტად მათგან იყო რეპრესირებული ეს კომპანია და ათასი სხვა კომპანია“, განაცხადა ტელეკომპანია „TV პირველი“-ს გადაცემა „რეაქციაში“ საპარლამენტო უმრავლესობის წევრმა ეკა ბესელიამ.

მან „ნაციონალური მოძრაობის“ წევრს, ზაალ უდუმაშვილს აწ გარდაცვლილი ბიზნესმენის თემურ ჩარკვიანის საქმის მოკითხვა ურჩია.

„ამ ცნობილმა ბიზნესმენმა, რომლის გაკეთებულ სიღნაღს და ბათუმს ჭრიდა ლენტების სახით სააკაშვილი, თავი ჩამოიხრჩო და წერილი დაწერა რომ ადეიშვილის გამო და მისი მეგობრების გამო. ისეთ დღეში ჩააგდეს, რომ სიცოცხლე საკუთარი ხელით მოისწრაფა. დიდი სია მაქვს, თუ უნდა გავუგზავნი“, განაცხადა ბესელიამ.