ვანის მუნიციპალიტეტის მერიაში, მერის წარმომადგენლებთან ადმინისტრაციულ ერთეულებში ოთხშაბათის ტრადიციული თათბირი გაიმართა.

თათბირს ვანის მუნიციპალიტეტის მერი ალექსანდრე გოგორიშვილი და სოფლის მეურნეობის სამინისტროს ვანის საინფორმაციო-საკონსულტაციო სამსახურის უფროსი ივანე სანადირაძე დაესწრნენ.

შეხვედრაზე მოისმინეს ინფორმაცია ადმინისტრაციულ ერთეულებში არსებული მდგომარეობის შესახებ, ასევე მერის წარმომადგენლებს ადმინისტრაციულ ერთეულებში პროექტში "დანერგე მომავალი", ახალი კომპონენტის შეტანის შესახებ მიეწოდათ ინფორმაცია.

პროექტი „დანერგე მომავალი“ -ს განხორციელება გარემოს დაცვისა და სოფლის მეურნეობის სამინისტროს სოფლის მეურნეობის პროექტების მართვის სააგენტომ 2015 წლის მარტში დაიწყო. პროექტის მიზანია, მრავალწლოვანი კულტურების გაშენების გზით, საქართველოში არსებული სასოფლო-სამეურნეო მიწების ეფექტიანი გამოყენება.

სოფლის მეურნეობის სამინისტროს ვანის საინფორმაციო-საკონსულტაციო სამსახურის უფროსმა ივანე სანადირაძემ მერის წარმომადგენლებს კენკროვანი კულტურების დაფინანსების ქვეკომპონენტი გააცნო.

ლურჯი მოცვის, მაყვლის და ჟოლოს ინტენსიური ბაღების გაშენების მხარდასაჭერად, სახელმწიფო პროექტში „დანერგე მომავალი“ ცვლილებები შევიდა. ბაღების თანადაფინანსების კომპონენტს ახალი ქვეკომპონენტი - „კენკროვანი კულტურები“ დაემატა. ქვეკომპონენტის ფარგლებში, განსაზღვრულ რეგიონებში, დაფინანსდება შესაძენი ნერგების ღირებულების 100%, როგორც ადგილობრივ ბაზარზე შეძენისას, ასევე მათი იმპორტის შემთხვევაში; 100%-ით დაფინანსდება წვეთოვანი სარწყავი სისტემების ღირებულებაც; საჭიროების შემთხვევაში, დაფინანსდება ბაღის გაშენებისათვის საჭირო მასალების ღირებულების 100%.

მოსახლეობის ინფორმირებულობის გაზრდის მიზნით, 9 ოქტომბერს იმერეთის გუბერნატორი შავლეგო ტაბატაძე ვანის მუნიციპალიტეტში ჩამოვა და რეგიონალურ წარმომადგენლებთან ერთად გარემოს დაცვის და სოფლის მეურნეობის საკითხებში დეტალურ ინფორმაციას პირადად მიაწვდის ადგილობრივ მოსახლეობას.

9 ოქტომბრის შეხვედრების განრიგი ასეთია:

11:00-12:30 სთ შუამთის ადმინისტრაციული ერთეული : შუამთა, მთისძირი, ტობანიერი, ყუმური, მუქედი, ციხესულორი ,ქ.ვანი.

13:00-14:30 სთ დიხაშხოს ადმინისტრაციული ერთეული: ზედავანი, გადიდი, სულორი, ძულუხი, სალხინო, ბზვანი.

15:00-16:30 სთ ზეინდრის ადმინისტრაციული ერთეული: ამაღლება საპრასია,ზეინდარი, გორა, უხუთი, ფერეთა, სალომინაო.

შეხვედრის ადგილის შესახებ მოსახლეობას ეცნობება, ადმინისტრაციულ ერთეულებში მერის წარმომადგენლების მიერ.

ინფორმაციას ვანის მუნიციპალიტეტის მერია ავრცელებს.