ნატოს წევრი და პარტნიორი 15 ქვეყნიდან თავდაცვის ატაშეები, საქართველოს თავდაცვის სამინისტროს მოწვევით კრწანისში, ნატო-საქართველოს წვრთნებისა და შეფასების ერთობლივ ცენტრს (JTEC) ესტუმრნენ.
თავდაცვის სამინისტროს ცნობით, სტუმრებს JTEC-ის შტაბის უფროსმა, ვიცე-პოლკოვნიკმა გიორგი ლეკვეიშვილმა და JTEC-ში ნატოს ჯარების ხელმძღვანელმა, ვიცე-პოლკოვნიკმა მაიკლ როზმარამ, წვრთნებისა და შეფასების ერთობლივი ცენტრის საქმიანობის, ამოცანების, სამომავლო გეგმებისა და ცენტრის როლზე შეიარაღებული ძალების განვითარების შესახებ პრეზენტაცია წარუდგინეს.
პრეზენტაციაზე ყურადღება JTEC-ის განვითარებაში საერთაშორისო პარტნიორების მხარდაჭერაზე გამახვილდა.
პრეზენტაციის დასრულების შემდეგ, კრწანისის სასროლეთზე თავდაცვის ატაშეებს შორის შეჯიბრი სროლებში გაიმართა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.