„ევროპული საქართველოს“ ერთი-ერთი ლიდერი გიგა ბოკერია TV პირველის გადაცემაში „პირველები“ აცხადებს, რომ გავრცელებულმა  აუდიოჩანაწeრებმა და ხელისუფლების წარმომადგენლების რეაქციამ აჩვენა, რომ ქვეყანაში არის ვერტიკალური კორუფცია, რომლის თავშიც ბიძინა ივანიშვილი დგას.

„ამ ჩანაწერებმა და ხელისუფლების რეაქციამ მასზე, გვაჩვენა, რომ არის ვერტიკალური, სისტემური კორუფცია დაწყებული პირველი პირიდან, იგულისხმება ბიძინა ივანიშვილი, რომელსაც ახლა სტატუსი აქვს პარტიის თავმჯდომარე, თავისი მინისტრებით და ბოლომდე ქვემოთ. კორუფციას როცა ვიძახი, არ ვგულისხმობ, რომ ივანიშვილი ჯიბეში იდებდა ფულს რაღაც კომბინაციიდან. კორუფცია არის, როდესაც მუშაობს ამ ტიპის შავი ფული, რითაც ბიზნესში შესვლა ხდება შესაძლებელი და შემდეგ წილების გაყოფა და აქედან ფული მისდის მმართველ პარტიას“, განაცხადა გიგა ბოკერიამ.