„ომეგა ჯგუფის“ საქმეზე დეპუტატმა ნატო ჩხეიძემ სასამართლოს ჩვენება მისცა. როგორც გამოკითხვის დასრულების შემდეგ ჩხეიძემ განაცხადა, მან გამოძიებას მიაწოდა ინფორმაცია საქმის ერთ-ერთ ეპიზოდთან დაკავშირებით, რომელიც „თიბისი“ ბანკიდან თანხის გატანას ეხება.

მისივე თქმით, „ომეგა ჯგუფის“ დამფუძნებელი მზად არის გამოძიებას დისტანციურად მისცეს ჩვენება და ითანამშრომლოს მასთან, თუმცა ფიზიკურად ის საგამოძიებო უწყებაში არ მივა. ნატო ჩხეიძე აცხადებს, რომ ზაზა ოქუაშვილის უსაფრთხოება დაცული არ არის, რის გამოც ის ამ დრომდე ლონდონში რჩება.

„მივაწოდე ძალიან მნიშვნელოვანი ინფორმაცია ამ დიდ საქმეში ერთ-ერთ ეპიზოდთან დაკავშირებით და მნიშვნელოვანია სწორედ იმ მანქანის მარკა და ნომერი მანქანის. „თიბისი“ ბანკიდან თანხის გატანის ეპიზოდთან დაკავშირებით.

ზაზა ოქუაშვილი აპირებს რომ  საგამოძიებო უწყებასთან ითანამშრომლოს და მისცეს ჩვენება და მათთვის საინტერესო ყველა კითხვაზე უპასუხოს. და გამოძიებისთვის მე ვფიქრობ მნიშვნელოვანია ზაზა ოქუაშვილის პასუხები და არა მისი ფიგურა. დაცული არ არის მისი უსაფრთხოება მით უმეტეს იმ ფონზე, როდესაც საქართველოს პარლამენტის თავმჯდომარემ სრულიდ წესითა და კანონით არ ეხება ეს საკითხი, პირდაპირი მესიჯი მისცა ტელეეკრანის ეთერებიდან პროკურატურას თუ როგორ უნდა მოქცეულიყო“, განაცხადა ნატო ჩხეიძემ.