„ნაციონალური მოძრაობის“ წევრი, ზალიკო უდუმაშვილი, სალომე ზურაბიშვილის მიერ მედიისა და არასამთვრობო ორგანიზაციებისადმი გამოხატულ კრიტიკულ დამოკიდებულებას გამოეხმაურა. უდუმაშვილი თქმით, მას შეუძლია, ერთი უფასო რჩევა მისცეს „ქართულ ოცნებას“, გადამალონ თავიანთი კანდიდატი იმიტომ, რომ ყოველი მისი გამოჩენა და განცხადება ახალი სკანდალის მიზეზი ხდება.

მან „ქართული ოცნების“ მიერ მხარდაჭერილ საპრეზიდენტო კანდიდატს საჯაროდ შეახსენა, რომ პრეზიდენტის მთავარი მოკავშირე მედია და სამოქალაქო სექტორია.

„აშკარაა, რომ სალომე ზურაბიშვილი ადგას ბიძინა ივანიშვილს კვალს. ეტყობა ბიძინა ივანიშვილის სკოლა. ბიძინა ივანიშვილმა, როდესაც პოლიტიკაში პირველ ნაბიჯებს დგამდა, სწორედ პირველი იერიში არასამთავრობო სექტორსა და მედიაზე მიიტანა. მინდა, შევახსენო საქართველოს პრეზიდენტობის კანდიდატს, რომ საქართველოს პრეზიდენტის მთავარი მოკავშირე სწორედ მედია და არასამთავრობო სექტორია“, განაცხადა უდუმაშვილმა.