„თავისუფალი საქართველოს” თავმჯდომარე, საქართველოს პრეზიდენტობის კანდიდატი კახა კუკავა პარლამენტის თავმჯდომარის განცხადებებს ეხმაურება.

მისი თქმით, პარლამენტის თავმჯდომარე „მთავარი მაფიოზის" ოთარ ფარცხალაძის „ადვოკატად და პირად პიარშიკად" გადაიქცა.

„არასამთავრობო ორგანიზაციებმა გაბედეს და გააკრიტიკეს, ისევე როგორ ბევრმა და მათ შორის მეც, ფარცხალაძის მაფია.

ქვეყანაში რომ დადის ეს სიკვდილის ბრიგადები, რომლებიც სარდაფებში ხალხს მიათრევს და გაუპატიურებით ემუქრება და თურმე, როგორ გავბედეთ ჩვენ, რომ ამ „ქართული ოცნების" წმინდათა წმინდა ძროხას, ოთარ ფარცხალაძეს შევეხეთ.

ამაზეა გამწარებული, დღეს პარლამენტის თავმჯდომარე - ადამიანი, რომელიც უნდა იყოს ქვეყნის პოლიტიკურ ძალებს შორის დიალოგის მთავარი მოდერატორი, რეალურად გადაქცეული არის, ქვეყნის ერთ-ერთი მთავარი მაფიოზის ფარცხალაძის პირად ადვოკატად და პირად პიარშჩიკად“, უთხრა კუკავამ „რუსთავი 2"-ს.