„ჩემი პრეზიდენტობა, ჩემი პოლიტიკაში მოღვაწეობა მთლიანად, არცერთ შემთხვევაში არ დამთავრდება ისე, რომ მე ფოთის პორტი არ დავუბრუნო ფოთელებსა და ქართველ ხალხს“, განაცხადა „ლეიბორისტული პარტიის“ პრეზიდენტობის კანდიდატმა, შალვა ნათელაშვილმა ფოთში, ჟურნალისტებთან საუბრისას.

„ფოთი არა მარტო ჩვენი ქვეყნის, არამედ კავკასიის, შუა აზიის და რეგიონის საზღვაო დედაქალაქია. ფოთს შეუძლია შეინახოს საქართველოსხელა სამი-ოთხი ქვეყანა კიდევ, რომ არ ფუთფუთებდნენ აქ, ყველა ჯურის მთავრობის წარმომადგენლები, ყაჩაღი, ე.წ. ბიზნესმენები და რომ იყოს საშუალება, აქედან მიღებული შემოსავლები გადანაწილდეს ფოთელებზე და საქართველოზე, ვიმეორებ, ჩვენ ბედს ძაღლი არ დაყეფდა.

„ჩემი პრეზიდენტობა, ჩემი პოლიტიკაში მოღვაწეობა მთლიანად, არცერთ შემთხვევაში არ დამთავრდება ისე, რომ მე ფოთის პორტი არ დავუბრუნო ფოთელებსა და ქართველ ხალხს და ფოთის პორტიდან მიღებული შემოსავლები არ მოვაქციო ფოთელებისა და მთელი საქართველოს ოჯახებში. აი, ეს გადაარჩენს ჩვენს ქვეყანას და არა ის, რომ რამდენიმე სინდისგარეცხილი სამთავრობო ბიზნესმენი, ქვეყნის პრეზიდენტები თუ პრემიერები თუ მმართველი ელიტის წარმომადგენლები ძარცვავენ ჩვენს საზღვაო პორტს და ჩვენს ფოთელებს უკვე მეოთხედი საუკუნეა, და ისიც ვერ შეძლეს, რომ აი, ამ ქალაქში კანალიზაციის და წყალსაწრეტი სისტემები მოეწესრიგებინათ, რათა ყოველი წვიმის შემდეგ აქ გემებს არ დაეწყოთ სიარული“, განაცხადა შალვა ნათელაშვილმა.